Psalms 57

Kuomba Msaada

(Kwa Mwimbishaji: Mtindo Wa Usiharibu! Utenzi Wa Daudi. Baada Ya Kumponyoka Sauli Pangoni)

1 ^aUnihurumie, Ee Mungu, unihurumie,
kwa maana nafsi yangu inakukimbilia.
Chini ya uvuli wa mbawa zako nitakimbilia
mpaka maafa yapite.

2 ^bNamlilia Mungu Aliye Juu Sana,
Mungu atimizaye makusudi yake kwangu.

3 ^cHutumana kutoka mbinguni na kuniokoa,
akiwakemea wale wanaonifuatilia vikali;
Mungu huutuma upendo wake na uaminifu wake.

4 ^dNiko katikati ya simba,
nimelala katikati ya wanyama wenye njaa kuu:
watu ambao meno yao ni mikuki na mishale,
ambao ndimi zao ni panga kali.

5 ^eEe Mungu, utukuzwe juu ya mbingu,
utukufu wako na uenee duniani kote.

6 ^fWaliitegea miguu yangu nyavu,
nikainamishwa chini na dhiki.
Wamechimba shimo katika njia yangu,
lakini wametumbukia humo wao wenyewe.

7 ^gEe Mungu, moyo wangu ni thabiti;
nitaimba na kusifu kwa moyo wangu wote.

8 ^hAmka, nafsi yangu!
Amka, kinubi na zeze!
Nitayaamsha mapambazuko.

9 Nitakusifu wewe, Ee Bwana, katikati ya mataifa;
nitaimba habari zako, katikati ya jamaa za watu.

10 ⁱKwa maana upendo wako ni mkuu, waenea hadi mbinguni,
uaminifu wako unazifikia anga.

11 ^jEe Mungu, utukuzwe juu mbinguni,
utukufu wako na uwe duniani pote.